Сурет: Polisia.kz
Алматы әуежайында Бангкоктан есірткі тасымалдаған әйел ұсталып, сот оны 10 жылға бас бостандығынан айырды, деп хабарлайды Zhaiyqmedia.kz ақпарат агенттігі.
Полиция қызметкерлері 2025 жылғы желтоқсанда Алматы халықаралық әуежайында Бангкок – Алматы рейсінен түскен жолаушыны тексерген. Күдікті әйелдің чемоданынан 1,5 келіге жуық синтетикалық есірткі табылған.
«Ол есірткіні Таиландтан сатып алып, Қазақстанға жеткізбек болған. Қазіргі уақытта оның ісі сотта қаралып, үкім шықты», – деді ведомство өкілі.
Сот отырысында әйел кінәсін толық мойындап, өкінгенін білдірген. Алайда судья оны 10 жылға бас бостандығынан айыру туралы шешім шығарды.
Полиция есірткі тасымалына қарсы күрес жалғасып жатқанын және әуежайларда бақылау күшейтілгенін ескертеді.
