Сурет: Egemen Qazaqstan
Қытайдың Гуйян қаласында бокстан Әлем Кубогының екінші кезеңі басталды. Алғашқы күні алты боксшымыздың бесеуі келесі кезеңге жолдама алды, деп хабарлайды Zhaiyqmedia.kz ақпарат агенттігі.
Тек Наталья Богданова ғана сәтсіздікке ұшырады. Ол Азия ойындарының чемпионы, қытайлық Зио Баодан 1:4 есебімен жеңілді. Қалған боксшылар қарсыластарын басымдықпен ұтып, келесі айналымға өтті.
Серік Теміржанов неміс Денис Брилді 5:0 есебімен жеңді. Нұрбек Оралбай оңтүстіккореялық Гичшае Кимді екінші раундта техникалық нокаутпен ұтты. Сабыржан Аққалықов қытайлық Хиабао Уангты 5:0 есебімен тізе бүктірді. Айбек Оралбай америкалық Нажай Райтты 5:0 есебімен жеңді. Дина Исламбекова ирландиялық Лиона Дарсиді екінші раундта техникалық нокаутпен ұтты.
