Премьер-министр Олжас Бектенов отандық кәсіпкерлер кеңесінің отырысын өткізді. Онда мемлекеттік сатып алу мен өнеркәсіпте отандық өнімнің үлесін арттыру мәселелері қаралды, деп хабарлайды Zhaiyqmedia.kz ақпарат агенттігі.
Бектеновтің айтуынша, елімізде импортты алмастыру бағытында нақты жұмыс жүріп жатыр. Үкімет отандық өндірушілерге жеңілдіктер мен преференциялар беруді жалғастырады.
«Отандық өндірушілерді қолдау – басты басымдық. Бұл барлық салаға қатысты. Біздің мақсатымыз – ішкі нарықты отандық тауарлармен толтыру», – деді премьер-министр.
Кеңес барысында кәсіпкерлер өз ұсыныстарын айтты. Олардың көпшілігі мемлекеттік сатып алудағы кедергілерді азайтуды сұрады. Бектенов бұл мәселелерді шешу үшін арнайы жұмыс тобын құруды тапсырды.
