Сурет: istockphoto.com
Мәжіліс депутаты Болатбек Нәжметдинұлы Қазақстанға Қытайдан кіретін автокөліктер үшін ақылы тәртіп енгізуді ұсынды. Бұл шара бюджетке қосымша 5 млрд теңге кіріс әкелуі мүмкін, деп хабарлайды Zhaiyqmedia.kz ақпарат агенттігі.
Депутаттың айтуынша, жыл сайын Қытайдан мыңдаған көлік транзитпен өтеді, бірақ олардан ешқандай төлем алынбайды. Бұл бюджеттің шығынына айналып отыр.
«Біз көрші елдерден келетін көліктерге ақылы кіру жүйесін енгізуіміз керек. Бұл – әлемдік тәжірибе. Қытайдан кіретін көліктердің саны жылдан-жылға артып келеді, сондықтан бұл мәселені шешу уақыты келді», – деді Нәжметдинұлы.
Ұсыныс бойынша, әрбір көлік үшін белгіленген мөлшерде алым алынады. Бұл қаражат жол инфрақұрылымын жақсартуға жұмсалуы мүмкін. Қазіргі уақытта Мәжілісте бұл бастама талқыланып жатыр.
