Қытайдың Хунань провинциясындағы фейерверк зауытында болған жарылыстан 21 адам қаза тауып, тағы бірнеше адам жарақат алды, деп хабарлайды Zhaiyqmedia.kz ақпарат агенттігі.
Қытай билігінің мәліметінше, жарылыс жергілікті уақыт бойынша кешкі сағат 7-лер шамасында болған. Зардап шеккендердің арасында зауыт жұмысшылары да бар. Оқиға орнына жедел жәрдем және құтқару қызметтері жіберілді.
«Қазіргі уақытта құтқару жұмыстары жалғасуда. Жарылыстың себебі анықталып жатыр», — деді жергілікті әкімшілік өкілі.
Қытайда фейерверк зауыттарындағы жарылыстар жиі тіркеледі. Өткен жылы да осындай бір оқиғада 10-нан астам адам қаза тапқан болатын.
