Қазақстан мен Жапония арасындағы ынтымақтастық кеңейіп келеді. Бұл туралы Сыртқы істер министрлігінде өткен кездесуде айтылды, деп хабарлайды Zhaiyqmedia.kz ақпарат агенттігі.
Қазақстан Сыртқы істер министрлігінде Жапония парламентінің депутаттарымен кездесу өтті. Тараптар екіжақты қарым-қатынасты одан әрі дамыту мәселелерін талқылады.
Кездесу барысында сауда-экономикалық, инвестициялық және мәдени-гуманитарлық салалардағы ынтымақтастықты кеңейту перспективалары қарастырылды, — деп мәлімдеді СІМ баспасөз қызметі.
Жапония делегациясы Қазақстандағы реформаларды жоғары бағалап, ортақ жобаларды жүзеге асыруға ниетті екенін жеткізді. Алдағы уақытта бірлескен жұмыс топтары құрылып, нақты бағыттар бойынша жол картасы әзірленбек.
