Алматыда жеткізу қызметінің курьері тапсырыс беруші қызға тиіскен соң, полиция департаментінің басшысы жеткізу агрегаторларына қатаң талаптар қойды, деп хабарлайды Zhaiyqmedia ақпарат агенттігі.
Алматы қалалық полиция департаментінің басшысы Айдын Қабдұлдинов жеткізу сервистерінің басшыларымен кездесу өткізіп, бірнеше нақты талапты алға тартты. Олардың ішінде курьерлерді биометриялық сәйкестендіруді енгізу, аккаунтты үшінші тұлғаларға беруге тыйым салу және шетелдік азаматтарды жұмысқа тартуды шектеу мәселелері бар.
Бұл жиынға 14 ақпан күні гүл жеткізіп берген соң клиентке тиіскен курьердің ұсталуы себеп болған.
Полиция өкілдері егер компаниялар қауіпсіздік шараларын күшейтпесе және курьерлердің жол жүру ережесін сақтауын қадағаламаса, оларға қатысты қатаң нормативтік-құқықтық шаралар қабылданатынын ескертті.
Фото: Әлеуметтік желіден
