Мәжіліс депутаттары нотариат саласына қатысты заң жобасына өзгерту енгізді. Енді сот орындаушылары алимент алушылардың арнайы шоттарындағы ақшаны өндіре алмайды, деп хабарлайды Zhaiyqmedia.kz ақпарат агенттігі.
Бұл түзету алимент төлемдерін қорғауға бағытталған. Яғни, егер алимент алушының басқа қарыздары болса, сот орындаушылары алимент шотындағы ақшаны тәркілей алмайды. Бұрын мұндай жағдайлар жиі кездесіп, ана мен баланың құқығы бұзылған еді.
«Бұл өзгерту алимент алушылардың құқығын қорғау үшін маңызды қадам. Енді алимент ақшасы тек баланың қажеттілігіне жұмсалады», — деді Мәжіліс депутаты.
Заң жобасы қазір Сенаттың қарауына жіберілді. Қабылданса, алимент шоттарына ешкімнің қол сұғуына жол берілмейді.
