Мемлекет басшысы білім ошақтарында су мен электр қуатын үнемдеу, қоршаған ортаны қорғау бағытындағы бастамаларды енгізуді міндеттеді, деп хабарлайды Zhaiyqmedia.kz ақпарат агенттігі.
Президенттің айтуынша, «Таза Қазақстан» қағидаты, «Заң және тәртіп» пен «Адал азамат» тұжырымдамалары біртұтас құндылықтар жүйесін құрайды. Олар мемлекеттік басқару мен қоғам өмірінің негізіне айналуы тиіс.
«Білім ордаларында суды және қуат көзін үнемдеу, экологияны қорғау ісін дәріптейтін бастамаларды қолға алу қажет. Бұл – жас ұрпақтың бойына жауапкершілік пен ұқыптылықты сіңірудің маңызды жолы», – деді Президент.
Бұл бастамаларды жүзеге асыру үшін арнайы жол картасы әзірленбек. Оқу орындарында үнемдеу технологияларын енгізу және экологиялық тәрбие беру шаралары қарастырылған.
