Қазақстан экономикасында шағын және орта бизнестің (ШОБ) салмағы артып отыр. Mastercard пен KPMG жүргізген зерттеуге сәйкес, ШОБ үлесі жалпы ішкі өнімнің 40%-ына жетті, деп хабарлайды Zhaiyqmedia.kz ақпарат агенттігі.
Бұл көрсеткіш – шағын және орта кәсіпорындардың экономикадағы маңызды рөлін көрсетеді. Зерттеуге сәйкес, ШОБ субъектілерінің саны да өсіп, олардың жалпы экономикаға қосқан үлесі арта түскен.
«Шағын және орта бизнес – ел экономикасының драйвері. Олардың үлесінің өсуі – мемлекеттік қолдау мен кәсіпкерлік белсенділіктің нәтижесі», – деді сарапшылар.
Зерттеу барысында ШОБ-тың цифрландыру деңгейі де ескерілген. Mastercard пен KPMG мамандары бизнестің қаржылық қызметтерді қолдану аясы кеңейіп жатқанын атап өтті.
