Сурет: Egemen Qazaqstan
Таеквондодан Қазақстан жастар құрамасы Kazakhstan Open халықаралық турнирінде бірінші орын алды, деп хабарлайды Zhaiyqmedia.kz ақпарат агенттігі.
Ел спортшылары 5 алтын, 6 күміс және 16 қола медаль жеңіп алып, барлығы 27 жүлде еншіледі. Екінші орынға Түркия, үшінші орынға Ресей құрамасы тұрақтады.
Бұған дейін ересектер арасындағы жарыста Қазақстан 3 алтын, 3 күміс және 7 қола медаль жеңіп алған болатын. 27 маусымда жасөспірімдер өзара мықтыны анықтайды.
