Сурет: Egemen Qazaqstan
«Қазақстан темір жолы» ұлттық компаниясы биылғы жылдың соңына дейін IPO өткізіп, акцияларын қор нарығына шығаруды жоспарлап отыр. Бұл туралы Үкіметтегі брифинг барысында компания басқармасының төрағасы Талғат Алдыбергенов мәлімдеді, деп хабарлайды Zhaiyqmedia.kz ақпарат агенттігі.
Қазіргі уақытта компания мен «Самұрық-Қазына» IPO-ға дайындық жұмыстарын белсенді жүргізіп жатыр. Жоспар бойынша акциялар бір мезгілде бірнеше қор биржасында орналастырылады.
Алайда бұған дейін, 19 мамырда, Көлік министрі Нұрлан Сауранбаев нарықтағы жағдайдың әлі де қолайсыз екенін айтқан болатын. Оның мәліметінше, «Самұрық-Қазына» IPO өткізу мерзімін қайта қарастырып жатыр және алдын ала болжам бойынша 2027 жылдың бірінші тоқсанында жүзеге асуы мүмкін.
Осылайша, ҚТЖ басшылығы IPO-ны биыл өткізуді жоспарлағанымен, соңғы шешім нарықтағы ахуал мен инвесторлардың қызығушылығына байланысты қабылданады.
