Батыс Қазақстан облысының әкімі Н.Төреғалиев жұмыс сапарымен Қаратөбе ауданына барды. Облыс басшысы алдымен Шөптікөл ауылында құрылыс жұмысы жүріп жатырған мәдени – спорт кешенімен танысып, мердігерге нысанды мерзімінде әрі сапалы аяқтауды тапсырды. Содан соң, Жусандой ауылдық округінде шаруашылықтардың мал азығын дайындау жұмыстарымен танысты. Ханкөл ауылында демеушілердің қолдауы арқасында жөндеуден өткен ауылдық клубпен танысып, мәдени ошақтың жөндеуіне бір кісідей ат салысқан жергілікті тұрғындар мен демеушілерге өз ризашылығын білдірді. Қоскөл ауылдық округінде болып «Ауыл аманаты» жобасы аясында жұмыстанып жатырған «Қоскөл 2023» АШӨК жұмысымен танысып, алдағы уақытта кооперативтің жұмысын жетілдіру жөнінде жергілікті атқарушы органдарға тиісінше қолдау көрсетуді тапсырды.
