Лондонның тарихи орталығындағы беделді Сент-Джеймс ауданының жаңа мэрі – қазақстандық Санжар Әбішев. Ол 33 жасында осы лауазымға сайланды, деп хабарлайды Zhaiyqmedia.kz ақпарат агенттігі.
Санжар Әбішев – Лондонда тұратын қазақстандық кәсіпкер әрі қоғам қайраткері. Ол бұған дейін де аудандық кеңесте жұмыс істеп, тұрғындардың мәселелерін шешуге белсене араласқан.
«Мен үшін бұл үлкен мәртебе және жауапкершілік. Сент-Джеймс ауданының тұрғындарына қызмет етуге дайынмын», – деді Санжар Әбішев сайлаудан кейін.
Сент-Джеймс – Лондонның ең көне әрі сәнді аудандарының бірі. Мұнда корольдік сарайлар, мұражайлар және беделді клубтар орналасқан. Мэрдің міндеті – ауданның дамуына үлес қосу, мәдени іс-шараларды ұйымдастыру және жергілікті билікпен байланысты нығайту.
