Мемлекет басшысы «Орталық Азия – Қытай» форматындағы елдердің ішкі істер және қоғамдық қауіпсіздік министрлерімен кездесіп, қауіпсіздік мәселелерін талқылады, деп хабарлайды Zhaiyqmedia.kz ақпарат агенттігі.
Кездесуде өңірдегі қауіпсіздік жағдайы, есірткі айналымы және киберқауіпсіздік сынды өзекті тақырыптар сөз болды. Президент Орталық Азия мен Қытай арасындағы ынтымақтастықты нығайту қажеттігін атап өтті.
«Біздің ортақ мақсатымыз – аймақтағы тұрақтылықты сақтау және қауіп-қатерлерге бірлесіп қарсы тұру», — деді Мемлекет басшысы.
Министрлер өз кезегінде ынтымақтастықты тереңдетуге дайын екендерін білдірді. Тараптар ақпарат алмасу және бірлескен жаттығулар өткізу мәселелерін де қарастырды.
