Сурет: Ашық дереккөз
26 мамырда Қазақстанның басым бөлігінде аптап ыстық күтіледі. Термометрлер күндіз 35-40 градусқа дейін көтеріледі, деп хабарлайды Zhaiyqmedia.kz ақпарат агенттігі.
Синоптиктердің болжамынша, еліміздің оңтүстігінде және кейбір солтүстік аймақтарда жаңбыр жауып, найзағай ойнайды. Бұл өңірлерде ауа температурасы салқындау болады.
«Қазақстанның басым бөлігінде жоғары температура сақталады. Аптап ыстықтан сақ болу керек», – дейді мамандар.
Ыстық ауа райы әсіресе Батыс Қазақстан облысында қатты сезіледі. Орал тұрғындарына суды көп ішуге және көлеңкеде болуға кеңес беріледі.
