ҚР Премьер-Министрінің орынбасары – Мәдениет және ақпарат министрі Аида Балаева ведомствоаралық комиссия отырысын өткізді. Онда балалардың құқығын қорғау және әл-ауқатын арттыру мәселелері қаралды, деп хабарлайды Zhaiyqmedia.kz ақпарат агенттігі.
Министр балаларды мемлекеттің басты капиталы деп атап, олардың қауіпсіздігі мен дамуына ерекше көңіл бөлу керектігін айтты. Жиынға бірнеше министрлік пен мекеменің өкілдері қатысты.
«Бала – біздің ең қымбат қазынамыз. Олардың бақытты балалық шағы – еліміздің болашағы», – деді Аида Балаева.
Комиссия отырысында балаларға арналған әлеуметтік жобалар, білім беру және денсаулық сақтау салаларындағы жаңа бастамалар талқыланды. Шешімдерді жүзеге асыру мерзімдері белгіленді.
