Қазақстанда жоғары оқу орындарына түсу үшін Ұлттық бірыңғай тестілеу (ҰБТ) 2027 жылы да өткізіледі. Бұл туралы Ғылым және жоғары білім министрі Саясат Нұрбек ресми түрде мәлімдеді, деп хабарлайды Zhaiyqmedia.kz ақпарат агенттігі.
Министрдің айтуынша, ҰБТ-ға бірқатар жаңа өзгерістер енгізіледі. Атап айтқанда, тест тапсырмаларының мазмұны жаңартылып, оқушылардың білімін бағалау жүйесі жетілдіріледі. Нақты өзгерістердің тізімі кейінірек жарияланады.
«Біз ҰБТ-ны толығымен жоймаймыз, бірақ оны заманауи талаптарға бейімдейміз. Басты мақсат – әділ әрі тиімді бағалау жүйесін құру», – деді Саясат Нұрбек.
Министрлік ҰБТ-ның жаңа форматын әзірлеуге мамандар мен педагогтарды тартып жатыр. Бұл өзгерістер 2027 жылы ҰБТ тапсыратын түлектерге тікелей әсер етеді.
