Орал қаласында биыл тұрғындар мен қонақтардың демалысына қолайлы орта қалыптастыру мақсатында кең көлемді абаттандыру және жөндеу жұмыстары жүргізілуде.
Қазіргі таңда үш тынымбақ жобалық-сметалық құжаттамаға сәйкес қайта жаңғыртылып жатыр. Сонымен қатар алты алаң мен демалыс аумағында да ағымдағы жөндеу жұмыстары қолға алынған.
Атап айтқанда, Некрасов тынымбағында 2022 жылы әзірленген жоба негізінде кешенді жаңарту басталды. Мұнда тұрғындардың бос уақытын тиімді өткізуіне жағдай жасалуда:
- балалар ойын және спорт алаңдары орнатылды;
- демалуға арналған орындықтар мен су бұрқақтар қойылды;
- түнгі жарық шамдары тартылып, қауіпсіздік арттырылды;
- жол жабыны жөнделіп, іргелес аумақтар абаттандырылды.
Сонымен қатар табиғи келбетті сақтау үшін қарағай мен қайың ағаштары отырғызылып, көгал төселді.
Жалпы жүргізіліп жатқан абаттандыру жұмыстары тұрғындарға таза, көрікті әрі жайлы қала кеңістігін қалыптастыруға бағытталған.
