«Таза Қазақстан» экологиялық акциясы аясында бүкіл ел бойынша «Түлектердің ағаш егуі» эко-челленджі өтті. Бір күнде 100 мыңнан астам мектеп бітіруші ағаш егіп, еліміздің көгалдануына үлес қосты, деп хабарлайды Zhaiyqmedia.kz ақпарат агенттігі.
Бұл бастама жас ұрпақтың табиғатқа деген жауапкершілігін арттыру мақсатында ұйымдастырылды. Түлектер өз қолдарымен ағаш отырғызып, болашаққа жасыл мұра қалдыруға атсалысты.
«Біз бүгін мектеп бітірушілермен бірге 500-ден астам көшет отырғыздық. Бұл – олардың туған жерге деген сүйіспеншілігінің белгісі», – дейді облыстық білім басқармасының өкілі.
Акция Қазақстанның барлық өңірінде бір мезгілде өтті. Әр түлек өз мектебінің ауласына немесе жақын маңдағы саябаққа ағаш егіп, экологиялық мәдениетті насихаттады.
