Сурет:gov.kz
2025 жылы Қазақстан энергетикалық қауіпсіздікті нығайту мақсатында үш жаңа газ кен орнын іске қосты. Энергетика министрі Ерлан Ақкенженовтің хабарлауынша, Қайыргелді, Тұзкөл және Тасболат кен орындары елдің газ инфрақұрылымын дамытуға және өңдеу зауыттарының қуатын арттыруға үлес қосады. Әсіресе, Тасболат кен орнын пайдалануға беру Маңғыстаудағы Қазақ газ өңдеу зауытының өндірістік мүмкіндіктерін толықтыруға мүмкіндік берді.
Министрдің сөзінше, жаңа кен орындарын іске қосу елдің ресурстық базасын нығайтып, энергетикалық тәуелсіздікті қамтамасыз етуге бағытталған стратегиялық қадамдардың бірі болып табылады. Бұл шаралар Қазақстанның газ өндірісі мен өңдеу саласындағы тұрақты дамуына, сондай-ақ отандық және экспорттық нарықтарды отынмен тұрақты қамтамасыз етуге ықпал етеді.
