Премьер-министр Олжас Бектенов инвесторлардың құқығын қорғау және инвестициялық жобаларды жүзеге асырудағы кедергілерді жою мәселелеріне арналған кеңес өткізді. Жиында Президенттің тапсырмаларын орындау аясында инвесторлардың мүддесін қорғау шаралары қаралды, деп хабарлайды Zhaiyqmedia.kz ақпарат агенттігі.
Кеңеске үкімет мүшелері, ұлттық компаниялар басшылары және бизнес-қоғамдастық өкілдері қатысты. Тараптар инвестициялық ахуалды жақсарту үшін нақты шараларды талқылады.
«Инвесторлардың құқығын қорғау – экономикалық өсудің негізгі факторларының бірі. Біз кедергілерді жою және бизнеске қолайлы жағдай жасау үшін жұмыс істеп жатырмыз», – деді Олжас Бектенов.
Жиын қорытындысы бойынша бірқатар нақты тапсырмалар берілді. Атап айтқанда, инвесторлардың өтініштерін қарау мерзімін қысқарту және әкімшілік кедергілерді азайту жоспарланған.
