АҚШ президенті Дональд Трамп Ормұз бұғазында бөгеліп қалған кемелерді шығару үшін «Бостандық» жобасын іске қосатынын мәлімдеді, деп хабарлайды Zhaiyqmedia.kz ақпарат агенттігі.
Трамптың айтуынша, жоба кеме қозғалысын қалпына келтіріп, аймақтағы сауда жолдарын ашуға бағытталған. Ормұз бұғазы – әлемдегі мұнай тасымалының негізгі өткелдерінің бірі.
«Біз бұғазда қамалып қалған кемелерді босатып, халықаралық сауданы қорғаймыз. «Бостандық» жобасы – осы мақсаттың бастамасы», – деді Трамп.
Жоба аясында АҚШ әскери-теңіз күштері мен одақтастары бірлесіп жұмыс істейтін болады. Қазіргі уақытта бұғазда бірнеше коммерциялық кеме бөгеліп қалған, олардың нақты саны әлі жарияланған жоқ.
