2025 жылы қазақстандықтар темекі мен алкогольге кететін шығындарын едәуір қысқартқан. Статистика бойынша, бір адам алкогольге орта есеппен 6,4 мың теңге ғана жұмсаған, бұл өткен жылдармен салыстырғанда айтарлықтай төмен көрсеткіш, деп хабарлайды Zhaiyqmedia.kz ақпарат агенттігі.
Темекі өнімдеріне де жұмсалатын қаражат азайған. Мамандар мұны халықтың салауатты өмір салтына бет бұруымен байланыстырады. Әсіресе жастар арасында зиянды әдеттерден бас тарту үрдісі байқалады.
Сарапшылардың пікірінше, бұл өзгеріске үкіметтің жүргізген баға саясаты мен насихат жұмыстары әсер еткен. Алкоголь мен темекіге салынатын акциздің өсуі де маңызды рөл атқарған.
