Астанадағы №99 мектепте оқу үдерісін жаңа сатыға көтеретін TopIQ Smart Class жүйесі іске қосылды. Мүмкіндіктерді ҚР Мәдениет және ақпарат министрі Аида Балаева өз көзімен көрді.
Заманауи технологиялармен жабдықталған кабинетте оқушылар интерактивті тақта, планшеттер және арнайы бағдарламалар арқылы сабақ өтеді. Бұл жүйе білім алушылардың қызығушылығын арттырып, материалды тез меңгеруге көмектеседі.
«Мұндай сыныптар еліміздің басқа мектептерінде де ашылуы керек. Бұл – білім сапасын көтерудің нақты қадамы», – деді Аида Балаева.
Министр кабинеттің жұмысымен танысып, оқушылармен де сөйлесті. Олар жаңа технологиялардың сабақты қызықты әрі тиімді ететінін айтты.
TopIQ Smart Class жобасы елордадағы бірнеше мектепте сынақтан өтіп жатыр. Алдағы уақытта оны республика бойынша тарату жоспарланған, деп хабарлайды Zhaiyqmedia.kz ақпарат агенттігі.
