Президент Қасым-Жомарт Тоқаев Alem.ai халықаралық жасанды интеллект орталығында бірқатар білім беру бастамасын іске қосу рәсіміне қатысты, деп хабарлайды Zhaiyqmedia.kz ақпарат агенттігі.
Енді 14 өңірде Tomorrow School мектептерінің желісі ашылды. Бұл мектептер заманауи білім беру стандарттарымен жұмыс істейді.
Президент білім саласындағы жаңа жобалардың маңыздылығын атап өтті. Ол жасанды интеллект пен цифрлық технологияларды оқу үрдісіне енгізу елдің болашағына үлкен серпін беретінін айтты.
«Білім беру – еліміздің басты басымдығы. Tomorrow School мектептері балаларға сапалы білім алуға мүмкіндік береді», – деді Қасым-Жомарт Тоқаев.
Жоба аясында мектептердің инфрақұрылымы жаңартылып, мұғалімдер арнайы оқытудан өтеді. Бұл бастама еліміздің білім сапасын арттыруға бағытталған.
