Алматыда қоғамдық көлік аялдамасында зейнеткер әйелді аяусыз тепкілеген ер адам ұсталды. Оқиғаның бейнежазбасы әлеуметтік желіде тарап кеткен еді, деп хабарлайды Zhaiyqmedia.kz ақпарат агенттігі.
Полиция қызметкерлері күдіктіні қысқа мерзімде анықтап, ұстады. Ол 1978 жылы туған ер адам болып шықты. Қазір ол уақытша ұстау изоляторына қамалды.
«Күдіктінің әрекетіне заңдық баға беріледі. Қылмыстық кодекстің тиісті бабы бойынша тергеу жүргізілуде», — деді Алматы қалалық полиция департаментінің өкілі.
Зейнеткер әйел ауруханаға жеткізіліп, медициналық көмек алды. Оның жағдайы тұрақты. Қоғамда мұндай дерекілікке жол бермеу керек деп санайтындар көп.
