АҚШ Қарулы күштерінің Орталық қолбасшылығы Иран аумағына жасалған әскери операцияның нәтижелері туралы мәлімдеме жасап, жүздеген қарсы шабуылға тойтарыс бергенін мәлімдеді, деп хабарлайды Zhaiyqmedia ақпарат агенттігі.
Әскери ведомствоның ақпаратына сәйкес, соққылар Иранның негізгі әскери нысандарына бағытталған. Олардың қатарында Ислам революциясы сақшылар корпусының командалық пункттері, әуе шабуылына қарсы қорғаныс жүйелері, зымыран мен дрон ұшыру алаңдары және бірнеше әскери әуе базасы бар.
Қолбасшылық соққылардың алғашқы толқынынан кейін АҚШ күштері Иран тарапынан ұйымдастырылған жүздеген шабуылды тойтарғанын атап өтті. Қарсы шабуылдар кезінде дрондар мен зымырандар кеңінен қолданылған.
Америкалық әскери қызметкерлер арасында қаза тапқандар мен жараланғандар жоқ екені ресми түрде расталды.
«АҚШ нысандарына келтірілген залал шамалы және операцияның барысына еш әсер еткен жоқ», — делінген қолбасшылық хабарламасында.
Фото: Әлеуметтік желіден
