Қазақстанда әйелдерді қудалау (сталкинг) және некеге тұруға мәжбүрлеу үшін қылмыстық жауапкершілік енгізілгеннен бері жүзден астам іс тіркелді, деп хабарлайды Zhaiyqmedia ақпарат агенттігі.
Премьер-министр Олжас Бектеновтің мәліметінше, заң күшіне енген уақыттан бері елімізде 79 адамға қатысты әйелді қудалау, яғни сталкинг фактісі бойынша іс қозғалған. Сонымен қатар 31 некеге тұруға мәжбүрлеу дерегі анықталған.
Сталкинг бойынша қылмыстық істердің басым бөлігі үш мегаполиске тиесілі. Бұл тізімде Шымкент қаласы (23 іс) көш бастап тұр. Одан кейінгі орындарда Астана (16 іс) мен Алматы (8 іс) қалалары орналасқан.
Ал некеге мәжбүрлеу қылмысы ең көп тіркелген өңірлер – Шымкент қаласы (15 факт) және Түркістан облысы (10 факт).
Бұған дейін Ішкі істер министрлігі қыркүйек айынан бері әйелді қудалауға қатысты 36 істің сотқа жолданғанын хабарлаған болатын.
Фото: Әлеуметтік желіден
