Үндістанның Джаркханд штатында науқасты алып бара жатқан медициналық ұшақ апатқа ұшырап, бортта болған жеті адам түгел мерт болды, деп хабарлайды Zhaiyqmedia ақпарат агенттігі.
Қайғылы оқиға 23 ақпанда тіркелген. Beechcraft C90 әуе кемесі ұшып шыққаннан кейін бірнеше минуттан соң қалың орманға құлаған.
Апат салдарынан күйік шалған науқас, оның екі туысы, бір дәрігер, фельдшер және екі ұшқыш көз жұмды. Алдын ала мәлімет бойынша, ұшқыштар қатты турбуленттілік пен қолайсыз ауа райы салдарынан басқарудан айырылып қалған.
Оқиға куәгерлері қатты жарылыс дыбысын естігенін, содан кейін орман үстінен қою түтін көтерілгенін айтты. Қазіргі уақытта оқиға орнында авиациялық апаттарды тергеу бюросының комиссиясы жұмыс істеп жатыр.
Фото: Әлеуметтік желіден
