Қазақстанда алдағы референдум өтетін 15 наурыз жаңа Конституция күні болып бекітіліп, ресми демалыс күніне айналуы мүмкін. Бұл туралы Сенат төрағасы Мәулен Әшімбаев мәлімдеді, деп хабарлайды Zhaiyqmedia ақпарат агенттігі.
Сенат спикерінің айтуынша, мұның бәрі халықтың дауыс беру қорытындысына байланысты болмақ. Ол жаңа Конституция жобасының өтпелі ережелерінде мереке күні ретінде құжаттың күшіне енген күні емес, қабылданған күні есептелетініне назар аударды.
«Қабылдау күні мен күшіне ену күні – екі бөлек нәрсе. Егер өтпелі ережелер жобасына қарасақ, онда Конституцияның қабылданған күні туралы айтылып отыр. Бұл – 15 наурыз», – деп түсіндірді Әшімбаев.
Қазіргі уақытта Қазақстанда Конституция күні мемлекеттік мереке мәртебесіне ие және ресми демалыс күні болып саналады.
Фото: Ақорданың баспасөз қызметі
