Алматылық «Қайрат» футбол клубы УЕФА Чемпиондар лигасына қатысу арқылы 19,6 миллион еуродан астам (11,8 миллиард теңге) табыс тапты, деп хабарлайды Zhaiyqmedia ақпарат агенттігі.
Клуб еурокубоктық додада жалпы сегіз матч өткізіп, бір ойында тең түсу арқылы небәрі 1 ұпай жинағанымен, қомақты қаржыға кенелген.
Табыстың негізгі бөлігі турнирдің топтық кезеңіне қатысқаны үшін төленді. Бұл сома – 18,62 миллион еуро.
Сонымен қатар, команда жалғыз тең ойыны үшін қосымша 700 мың еуро сыйақы алса, турнир кестесінде соңғы орын алғаны үшін тағы 275 мың еуроға ие болды.
Осылайша, «Қайраттың» Чемпиондар лигасынан тапқан жалпы табысы шамамен 19,6 миллион еуроға жетті. Бұл қазіргі бағаммен 11,8 миллиард теңгеге жуық қаражатты құрайды.
Фото: Әлеуметтік желіден
