Денсаулық сақтау министрлігі Медициналық және фармацевтикалық бақылау комитетінің Жамбыл облысы бойынша департаментінің басшысы Айгүл Балғабаева пара алу күдігіне ілінді, деп хабарлайды Zhaiyqmedia ақпарат агенттігі.
Ulysmedia.kz дереккөздерінің мәліметінше, шенеунікке қатысты ҚР Қылмыстық кодексінің 366-бабы 2-бөлігі (Пара алу) бойынша қылмыстық іс тергеліп жатыр.
«Қазіргі уақытта тергеу амалдары жүргізіліп жатыр», — деп хабарлайды басылым дереккөзі.
Ал департаменттің өзіндегілер басшының қазір еңбекке жарамсыздық парағында екенін, яғни науқастанып қалғанын айтқан.
Айта кетерлігі, Айгүл Балғабаева бұл қызметке 2024 жылдың 30 қыркүйегінде ғана тағайындалған. Былтыр оның орынбасары Мәдина Шынәлиева да сыбайлас жемқорлық үшін сотталған еді.
Фото: Әлеуметтік желіден
