Щучинск қаласындағы Шоқан Уәлиханов атындағы әскери колледжде қызылша жұқтыру дерегі тіркеліп, оқу орнында карантин жарияланды, деп хабарлайды Zhaiyqmedia ақпарат агенттігі.
Оқу орнының баспасөз қызметінің мәліметінше, кадеттер демалыстан вирустық ауру белгілерімен оралған. Қазіргі уақытта 66 курсант дәрігерлердің бақылауында жатыр.
Олардың ішінде екі кадеттің ауруы асқынып кеткен, бірақ жағдайлары тұрақты деп бағалануда. Ауру жұқтырғандармен байланыста болғандардың барлығы дереу оқшауланды.
«Барлық науқасқа қажетті медициналық көмек көрсетіліп жатыр. Инфекцияның одан әрі таралуына жол бермеу үшін оқу орнында карантин жарияланды. Қосымша медициналық және санитарлық-эпидемиологиялық бақылау шаралары ұйымдастырылып, жеке құрамның денсаулық жағдайына мониторинг күшейтілді», – делінген ресми хабарламада.
Колледж әкімшілігі бұл жағдай Қорғаныс министрлігі мен денсаулық сақтау органдарының тікелей бақылауында екенін атап өтті.
Фото: Әлеуметтік желіден
