Алматыда полиция қызметкерлері арнайы операция барысында танымал түнгі клубтардың бірінің аспазын ұстады. Ол тікелей жұмыс орнында есірткі сатумен айналысқан, деп хабарлайды Zhaiyqmedia ақпарат агенттігі.
Мекеменің асүй қызметкері есірткіні жұмыс барысында өткізіп келгені анықталды. Полиция оны арнайы іс-шара кезінде қылмыс үстінде қолға түсірген.
Күдіктіні жеке тінту кезінде одан психотроптық заттар мен өсімдік тектес есірткі табылып, тәркіленді.
Қазіргі уақытта ұсталған азамат уақытша ұстау изоляторына қамалды. Полиция мекемеге есірткінің қайдан және қалай жеткізілгенін анықтау үшін тергеу амалдарын жүргізіп жатыр.
Фото: Әлеуметтік желіден
