Қазақстан мұсылмандары діни басқармасы (ҚМДБ) дін саласына заманауи технологияны енгізіп, IMAM AI атты жасанды интеллект қосымшасын іске қосуды жоспарлап отыр. Бұл туралы Бас мүфти Наурызбай қажы Тағанұлы 2026 жылға арналған бағдарламасында айтты, деп хабарлайды Zhaiyqmedia ақпарат агенттігі.
Діни басқарманың мәліметінше, жаңа жоба имамдардың жұмысын жеңілдетіп, жамағаттың сенімді діни ақпаратты кедергісіз алуына жағдай жасайды.
IMAM AI қосымшасы тұрмыстық және діни сұрақтарға жедел жауап беріп, шариғат нормаларын түсіндіруде бірыңғай ұстанымды сақтауға көмектеседі.
