Ресейдің Череповец қаласындағы металлургия комбинатының аумағынан мердігер компанияда жұмыс істеген екі Қазақстан азаматының денесі табылды, деп хабарлайды Zhaiyqmedia ақпарат агенттігі.
Қайғылы жайтты ресейлік «Северсталь» компаниясы растады. Мәлімет бойынша, марқұмдардың мүрдесі 14 қаңтар күні Череповец металлургия комбинатының өндірістік алаңынан шыққан.
«Қазіргі уақытта марқұмдардың өлімінің себептері тексеріліп жатыр, оқиға орнында арнайы қызметтер жұмыс істеуде», – делінген компания таратқан хабарламада.
Бұл оқиғаға қатысты Ресей Федерациясы Тергеу комитетінің Вологда облысы бойынша басқармасы да түсінік берді. Ведомствоның хабарлауынша, оқиға орнына Череповецтегі тергеу бөлімінің қызметкерлері барып, қажетті процессуалдық әрекеттерді жүргізіп жатыр. Қазір қайғылы жағдайдың нақты себептері анықталуда.
Фото: vologda.sledcom.ru сайтынан
