Air Astana әуе компаниясы Иранның әуе кеңістігін жабуына байланысты бірнеше рейстің бағытын өзгертетінін мәлімдеді, деп хабарлайды Zhaiyqmedia ақпарат агенттігі.
Әуе тасымалдаушысының хабарлауынша, бұл өзгеріс Шарм-эль-Шейх, Дубай, Доха және Мединаға қатынайтын тұрақты және чартерлік рейстерге қатысты.
Енді аталған бағыттар бойынша ұшатын әуе кемелері Иран аумағын айналып өтетін болады.
«Ұшу кестесінде өзгерістер болуы ықтимал, сондықтан жолаушыларға өз рейстерінің мәртебесін алдын ала тексеріп отыруға кеңес береміз», – делінген компания таратқан хабарламада.
Фото: Әлеуметтік желіден
