Бүгін Орал қаласының әкімі Мұрат Байменов Зачаган кентінің тұрғындарымен ашық форматта кездесу өткізді. Кездесудің басты мақсаты – тұрғындардың өзекті мәселелерін тыңдап, оларды шешу жолдарын бірлесе талқылау болды.

Жиын барысында тұрғындар жол сапасы, қоғамдық көлік қозғалысы, аялдамалар орнату, жарықтандыру мен абаттандыру, көппәтерлі үйлердің күтімі сияқты бірқатар мәселелерді көтерді. Әкім барлық сауалдарға нақты жауап беріп, тиісті бөлім басшыларына тапсырмалар жүктеді.

Кент басшысының айтуынша, соңғы уақытта Зачаганда бірқатар жұмыстар жүзеге асқан. Атап айтқанда:

• Үш жаңа балалар ойын алаңы орнатылуда;
• Қаланың кіреберісіндегі арка жаңартылды;
• Он сегіз жаңа аялдама павильоны қойылды;
• Саябақтар абаттандырылып, субұрқақтар жөнделді, ағаштар егілді, газон төселді;
• Кентішілік жолдар кезең-кезеңімен жаңартылуда;
• Қаңғыбас иттерді аулау шаралары жүйелі жүргізіліп, тұрғындардың қауіпсіздігі қамтамасыз етілуде;
• Жаңа спорт алаңының құрылысы жүріп жатыр;
• Көше жарықтандыру жұмыстары жалғасуда.

Кездесу соңында Мұрат Байменов тұрғындарды жеке қабылдап, олардың өтініштері мен ұсыныстарын тыңдады.