Сурет: Egemen Qazaqstan
Канаданың Торонто қаласында көркем жүзуден әлем кубогының суперфиналы өтіп жатыр, деп хабарлайды Zhaiyqmedia.kz ақпарат агенттігі.
Бүгін ерлер арасындағы еркін бағдарламада Қазақстан командасының спортшысы Виктор Друзин күміс жүлдегер атанды. Бұл оның осы жарыстағы екінші жүлдесі. Виктор кеше техникалық бағдарламада 3-орын алған.
Еркін бағдарлама жүлдегерлері: 1. Ранджуо Томблин (Ұлыбритания) 255.9600 балл, 2. Виктор Друзин (Қазақстан) 248.5525 балл, 3. Филиппо Пелати (Италия) 246.2639 балл.
Виктор Друзин осы жарыстың суперфиналында қола жүлдеге қол жеткізген болатын.
Айта кетейік, осы маусымның шешуші жарысына 22 елден іріктелген 156 спортшы қатысып жатыр. Еліміздің намысын 14 отандасымыз қорғайды. Жарыс 21 маусымда аяқталады.
