Сурет: Egemen Qazaqstan
Джесси Марш бастаған Канада құрамасы әлем чемпионатының топтық кезеңіндегі екінші ойында Қатар командасын 6:0 есебімен ұтты, деп хабарлайды Zhaiyqmedia.kz ақпарат агенттігі.
Матч барысында Қатар ойыншылары Хомам Әл-Амин мен Ассим Мадибо қызыл қағаз алып, алаңнан шығарылды. Нәтижесінде қатарлықтар кездесуді 9 адаммен аяқтады.
Джонатан Дэвид қарсылас қақпаға үш гол соқса, Кайл Ларин мен Натан-Дилан Салиба бір-бір голдан енгізді. Қатар құрамасының жартылай қорғаушысы Мохамед Әл-Маннаи өз қақпасына бір гол салып алды.
Канада құрамасы бұған дейін 1986 және 2022 жылдардағы әлем чемпионаттарына қатысып, ешқашан жеңіске жетпеген еді. Биылғы матч олардың әлем чемпионаттары тарихындағы алғашқы жеңісі болды. Осы жеңістің арқасында канадалықтар өз тобында көш бастады.
