Сурет: Қайрат ФК
2026/2027 жылғы маусымдағы Чемпиондар лигасының бірінші іріктеу кезеңінің жеребесі 16 маусымда тартылып, «Қайрат» өз қарсыласын білді, деп хабарлайды Zhaiyqmedia.kz ақпарат агенттігі.
Рафаэль Уразбахтин жаттықтыратын команда алғашқы ойында Черногорияның «Сутьеска» клубымен кездеседі. Бірінші матч Алматыда өтеді, ал жауапты кездесу Черногория чемпионының алаңында болады. Іріктеудің бірінші кезеңінің ойындары 7-8 және 14-15 шілдеге жоспарланған. Нақты кестені УЕФА клубтық турнирлер комитеті кейінірек жариялайды.
Өткен маусымда «Қайрат» төрт іріктеу кезеңінен өтіп, «Астанадан» кейін Чемпиондар лигасының плей-офф кезеңіне жеткен Қазақстанның екінші клубы болды. Бұл кезеңде алматылықтар сегіз ойынның жетеуінде жеңіліп, тек «Пафоспен» тең ойнады.
