Сурет: ҰОК
Қазақстан құрамасы Қытайдың Сюйчжоу қаласында өтіп жатқан триатлоннан Азия чемпионатында үшінші медальға ие болды, деп хабарлайды Zhaiyqmedia.kz ақпарат агенттігі.
U17 жас санатындағы аралас команда эстафетасында күміс жүлдеге ие болып, тұғырдың екінші сатысына көтерілді. Бұл бағдарламада ел намысын Гор Депершмидт, Альхам Мұрат, Калерия Шнейдер және Алуа Нұрмұхамет қорғады.
Қазақстан құрамасының қоржынында қазір үш медаль бар. Бұған дейін Рамазан Айнегов (U17) пен Ясмина Бузуртанова (U15) Азия чемпионатының алтын жүлдегерлері атанып, екі алтын медаль салған еді.
