Сурет: Ашық дереккөз
Мәжіліс депутаты Асхат Аймағамбетов автоматты қайта қоңырау шалу – автодозвон мәселесін шешу үшін заңнамаға өзгерістер енгізіліп жатқанын мәлімдеді. Енді жарнамалық қоңыраулардың орнына тек SMS хабарламалар ғана жіберіледі.
Депутаттың айтуынша, бұл шара азаматтардың тыныштығын бұзатын автоқоңыраулардың алдын алу үшін қажет. Заң жобасы қазіргі уақытта Мәжілісте қаралып жатыр.
«Халықтың шағымы көп. Автоқоңыраулар адамдарды мазалайды. Сондықтан біз бұл мәселені түбегейлі шешуді жоспарлап отырмыз», – деді Асхат Аймағамбетов.
Жаңа ереже бойынша, компаниялар жарнамалық хабарландыруларды тек жазбаша түрде, яғни SMS арқылы жібере алады. Бұл азаматтардың қоңырауларға жауап беруге мәжбүр болмауын қамтамасыз етеді, деп хабарлайды Zhaiyqmedia.kz ақпарат агенттігі.
