Қазақстан әскери оқу орындарын үздік бітірген курсанттар енді «аға лейтенант» атағын алады. Бұл өзгеріс шетелдік әскери ЖОО түлектеріне де қатысты.
Жаңа ереже бойынша, дипломдары «үздік» деген бағаға ие болған түлектерге кәдімгі лейтенант емес, аға лейтенант шені беріледі. Бұл – болашақ офицерлерді ынталандырудың бір жолы, деп хабарлайды Zhaiyqmedia.kz ақпарат агенттігі.
Қорғаныс министрлігінің мәліметінше, бұл шешім әскери білім сапасын арттыруға және үздік кадрларды әскерге тартуға бағытталған.
