Қазақстан тарихының академиялық жинағында алғаш рет Алтын Ордаға жеке том арналды. Бұл — мемлекет басшысы Қасым-Жомарт Тоқаевтың тапсырмасымен қолға алынған іргелі жобаның бір бөлігі, деп хабарлайды Zhaiyqmedia.kz ақпарат агенттігі.
Президент Алтын Орда мәселесін терең зерттеу үшін бірқатар бастамаларды ұсынды. Оның ішінде халықаралық ғылыми орталық ашу, мұрағаттарды цифрландыру және археологиялық қазба жұмыстарын жандандыру бар.
«Біз Алтын Орданың тарихын әділ әрі толық қалпына келтіруіміз керек. Бұл – ұлттық санамыз үшін маңызды қадам», — деді Тоқаев.
Жаңа томда Алтын Орданың құрылуы, дамуы және ыдырауы кезеңдері қамтылған. Сондай-ақ қазақ хандығының қалыптасуына тигізген ықпалы да жан-жақты сараланған. Ғалымдар бұл еңбекті тарихнамадағы жаңа серпіліс деп бағалап отыр.
