Қазақстан Иранға 40 тоннадан астам гуманитарлық жүк жіберді. Жолаушы ұшағы тікелей Оралдан ұшып, азық-түлік пен дәрі-дәрмекті жеткізді, деп хабарлайды Zhaiyqmedia.kz ақпарат агенттігі.
Президент Қасым-Жомарт Тоқаевтың тапсырмасымен KazAID агенттігі әуе жолымен көмек жөнелтті. Жүк құрамында ұн, күріш, макарон, өсімдік майы, сондай-ақ дәрі-дәрмектер мен медициналық бұйымдар бар.
«Біз Иран халқына қиын сәтте қолдау көрсетуге дайынбыз. Бұл – достық пен ынтымақтастықтың айқын дәлелі», – деді Сыртқы істер министрлігінің өкілі.
Көмек Ирандағы жер сілкінісі мен су тасқынынан зардап шеккен аймақтарға бағытталды. Қазақстан бұған дейін де Ауғанстан мен Түркияға гуманитарлық жүк жіберген болатын.
