Батыс Қазақстан облысы Қазталов ауданындағы Жалпақтал ауылында әйгілі Эйфель мұнарасының көшірмесі тұрғызылады. Бұл туралы аудан әкімдігі мәлімдеді, деп хабарлайды Zhaiyqmedia.kz ақпарат агенттігі.
Жаңа нысан ауылдың көркін ашып, туристерді тартуға бағытталған. Көшірменің биіктігі мен нақты орналасқан жері әзірге айтылмады.
Аудан әкімінің айтуынша, бұл жоба жергілікті халықтың рухын көтеріп, ауылдың танымалдығын арттырады.
«Біз Жалпақталдың болашағына үлкен үміт артамыз. Эйфель мұнарасының көшірмесі – осы бағыттағы алғашқы қадам», – деді әкім.
Құрылыстың қашан басталатыны әлі белгісіз. Жобаның бюджеті де жарияланған жоқ.
