Қазақстанда банкрот деп танылған азаматтардың 250 миллиард теңгеден астам қарызы кешірілетін болды. Бұл – қарызға белшесінен батқан мыңдаған адамға нағыз демеу.
Қаржы нарығын реттеу және дамыту агенттігінің мәліметінше, төлем қабілеттілігін қалпына келтіру рәсімін 1 118 азамат пайдаланған. Олардың қатарында әлеуметтік осал топтар мен көпбалалы отбасылар көп.
Агенттік төрағасы Мәдина Әбілқасымованың айтуынша, бұл рәсім қарызды толық өтей алмайтындарға арналған.
«Біздің мақсат – азаматтарды қарыз тұзағынан шығарып, олардың өмірін жеңілдету. Банкроттық рәсімі арқылы адамдар екінші мүмкіндік алады», – деді ол.
Мамандардың айтуынша, қарыз кешіру тек банкрот деп танылғандарға ғана қатысты. Алдағы уақытта рәсімді жеңілдету жоспарлануда, деп хабарлайды Zhaiyqmedia.kz ақпарат агенттігі.
