Түркістанда Түркі мемлекеттері ұйымының бейресми саммитіне дайындық қызу жүріп жатыр. Шара барысында қауіпсіздікті қамтамасыз ету үшін ерекше техника – Tesla Cybertruck электр көліктері пайдаланылады, деп хабарлайды Zhaiyqmedia.kz ақпарат агенттігі.
Бұл – Орта Азиядағы ірі халықаралық жиындардың бірі. Саммитке түркі елдерінің басшылары қатысады деп күтілуде.
Қала әкімдігінің мәліметінше, Cybertruck-тар күзет қызметі мен арнайы тапсырмаларды орындауға тартылады. Олардың бейнекамералармен, байланыс құралдарымен және автономды жүйемен жабдықталғаны айтылады.
«Біз заманауи технологияларды қолдану арқылы қонақтардың қауіпсіздігін қамтамасыз етуді мақсат етіп отырмыз. Cybertruck – сенімді әрі экологиялық таза көлік», – дейді шараны ұйымдастырушылар.
Саммит Түркістанның туристік әлеуетін арттырып, өңірге инвестиция тартуға сеп болады деп күтілуде. Ал Cybertruck-тың күзетте жүруі қала тұрғындары мен қонақтарының назарын аударғалы тұр.
